Ko te whakapūmautanga

Mehemea ka puta ngā hua o ngā wānanga me ngā kōwhiringa waro e pai ana ki a koe ki te kaipupuri whenua, ka whāia e tātou tēnei tukanga:

Tuatahi.

Ka waitohungia e Tāmata Hauhā tētehi whakaaetanga tārewa hei reta kawatau e whakamārama kehokeho ana i te huarahi whakamua.  Ehara ēnei reta kawatau i te herenga ā-ture, engari he tuhinga hei āta whakamārama, hei whakatakoto hoki i ā tātou kōrerorero.

Tuarua.

Inā whakaaetia katoatia e ngā rōpū tēnei whakaaetanga, ka tuhia tētehi kirimana e rīhi wā-poto ana i te wāhi ka whakatōngia.  E mana ana tēnei rīhi ki te wā e oti ana te mahi whakatō anake, kātahi ka kimi whakaaetanga mō te wāhanga i muri mai.

Tuatoru.

Inā mutu ana te mahi whakatō i runga i te whenua, ka rapua e Tāmata Hauhā tētehi mōtika ngāherehere mō te wā o te rangapūtanga, e āhei ai mātou ki te uru ki roto i te Kaupapa Hoko Puha (ETS) me te tuku mana ki a mātou (te kanohi mōu) ki te whakahaere i te ngāherehere me ngā wae whiwhinga waro ka hua atu.

Tuawhā.

Ko ngā wae whiwhinga waro (NZU) ka hoko atu ki te Kaupapa Hoko Puha (ETS) mākete mātāmuri.  Ko te hunga hokohoko i ēnei wae waro ki tēnei mākete, ko ngā pakihi puha kino, ko ngā pakihi whakamōrea rānei.  I te roanga o tēnei whakaaetanga, ka whakawhiwhia e ngā kaipupuri whenua ngā taipitopito hoko e pā ana ki ngā whiwhinga waro i hoko atu kia mārama te kitea ngā mahi whakahaere a Tāmata Hauhā.