Ko te ahumahi

Ki roto i tā mātou kaupapa, ko te huarahi tika ki te whakahoki i te ngāherehere taketake ko te whakamahi i ngā huamoni mai i te mahi kapo, putu hoki i te waro a ngā rākau tāwāhi.

Kāore a Tāmata Hauhā i te pīrangi ki te hora i tētehi ahutahi ki runga i a koe, ki te hora rānei i ngā rākau paina huri i te motu.  He nui ā mātou kōwhiringa rākau tāwāhi hei whakatupu ngāherehere e taea ana te kapo waro kia nui me te āheinga kia whānui ngā nōhanga me ngā kai mō ō tātou ngāi kīrehe.

Ko te arotahi o Tāmata Hauhā e pēnei ana – he whenua, he tāngata, he taurikura.  Kia kaua hoki e mahue i a tātou te āheinga ki ngā whakahoki mai i ngā ngāherehere rākau tāwāhi.

E pānui ana mātou o Tāmata Hauhā i ō mātou tūmanako ōrite ki te whakatō i te ngāherehere taketake ki tōna 100% – hei Māori, hei tangata nō te whenua e whakapapa ana mātou ki a rātou.  Engari, me mātua mōhio, ko ngā whakahokinga i ngā rākau tāwāhi e tata ana ki te whakahokinga tekau nui atu i ērā o ngā ngahere taketake.  Koia rā te whakapono o Tāmata Hauhā, ki te tīmataria e ngā kaipupuri whenua ki ngā rākau tāwāhi me te āta whakatō i te wā ko ngā rākau taketake, ka hua nui i te otinga atu mō te whānau.  Hei tauira, i roto i ngā tau 30, ka riro i ngā kaipupuri ngā whakahokinga $24,000 i ia heketā o ngā rākau tāwāhi i ērā o ngā rākau taketake.  He āheinga ki te whakangao i roto i ā tātou hiahia pāpori, kanorautanga, tāngata rānei i te mutunga.

E whakapono ana a Tāmata Hauhā ka tae atu tātou ki te wāhi e tūmanakohia e tātou ki te āta whakamahere mō tētehi wā roa kia whakamahia ngā huamoni i te mahi waro o ngā ngāherehere rākau tāwāhi.  He āheinga tēnei huarahi mō ngā whānau me ngā kaipupuri whenua ki te tuari i ngā hua heke iho, heke iho tae noa ki te oranganui mō ō rātou mātātahi me ērā e haere tonu mai ana.