Kōkiritanga whakamua
Ka tū te rangapūtanga, ka whakahaeretia, ka tiakina e Tāmata Hauhā ngā āhuatanga katoa o te whakatupu whenua.
Ka whakatōngia e mātou te ngahere me ngā whakahaere patu kīrearea, rahirahi me te tapahi. Mā Tāmata Hauhā e tiaki ngā whakahaere, ngā tuhituhi hoki pērā i te inihua, i te Kaupapa Hoko Puha me te hoko atu i ngā wae waro.
E whai rawa ana a Tāmata Hauhā tae noa ki ngā kākano ki te whakatō, ki te whakahaere hoki i te whenua 75,000 heketā. Hei tīmatanga, ka whakatōngia ngā momo rākau tāwāhi me ngā rākau taketake i ngā tahataha wai, i ngā wāhi hirahira rānei.
Ahakoa mō te ngahere waro, mō te rākau mīra rānei, e ai ki te whakaaetanga rangapū, māu te whenua e whakarite, mā Tāmata Hauhā te pūtea me te tūraru ahumoni e pīkau.
E pānui ana mātou o Tāmata Hauhā i ō mātou tūmanako ōrite ki te whakatō i te ngāherehere taketake ki tōna 100% – hei Māori, e whakapapa ana mātou ki a rātou! Engari, me mātua mōhio, ko ngā whakahokinga i ngā rākau tāwāhi e tata ana ki te whakahokinga tekau i ērā o ngā ngahere taketake.
Koia rā te whakapono o Tāmata Hauhā, ki te tīmataria e ngā kaipupuri whenua ki ngā rākau tāwāhi me te āta whakatō i te wā ko ngā rākau taketake, ka hua nui i te otinga atu mō ēnei kaupapa. Hei tauira, i roto i ngā tau 30, ka riro i ngā kaipupuri whenua ngā whakahokinga $24,000 i ia heketā o ngā rākau tāwāhi i ērā o ngā rākau taketake. Ka ea ai te whakangao i roto i ā tātou hiahia pāpori, tāngata anō hoki.He wā ki te whakatutuki, engari i te otinga atu, ka whakaorangia te whenua mō te mana whenua me te taurikuratanga. Ko te huarahi roa rawa atu, ko te huarahi tere ki reira!
He wā ki te whakatutuki, engari i te otinga atu, ka whakaorangia te whenua mō te mana whenua me te taurikuratanga. Ko te huarahi roa rawa atu, ko te huarahi tere ki reira!
RELEVANT CONTENT >KO NGĀ KAUPAPA ATU ANŌ >
HE WHENUA, HE TĀNGATA, HE TAURIKURA
He tāmata whenua, he whakapakari tāngata, he taurikura te otinga atu