He whakaora anō i tērā i ngaro atu

Ko tā mātou kaupapa, aronga hoki e hāngai pū ana ki te whakarauoratanga o te whenua, ōna tāngata me tō rātou taurikuratanga – mā te waka o te ngahere waro me te pāmu kōmaru!

Ka mahi tahi mātou ki te kaipupuri whenua mā te whakarite rautaki, tahua anō hoki e whakawhanake ai ō rātou whenua whetengi hei hua māia.  Ka whāia e mātou kia tautokohia ngā kaipupuri whenua me te āwhina hoki i a rātou ki te whakatutuki i ō rātou tūmanako.  He tīma mātou e matatau ana ki ngā āheinga ki te whakamahi whenua, ā, ka mahi tahi mātou ki a koe kia whiriwhirihia ko ngā whenua e tika ana me te āheinga hoki ki te whakatū tūranga mahi – kia hoki atu te whānau me ngā rangatahi ki te ūkaipō.  

I a te Kāwanatanga me ngā umanga e whakaatu atu ki te Māori i ngā huarahi kia kuhu atu ki te rāngai, he iti ā rātou hua mō te kaipupuri whenua, ā, ko te nuinga o ēnei kāore i te tāpiri, i te whakangao rānei ki ngā wāhi e matea ana (he ngoikoretanga rānei ki te toitūtanga o te tūranga mahi).

Ki a mātou, he āheinga noa te waro, ā, ka pono te rangapūtanga ki ngā kaipupuri whenua me te tautoko i a rātou i tō rātou huarahi.  He huarahi e tūmanakohia ana kia āhei te whakamiha i te whakangaotanga me te kanorautanga i runga i te angitutanga o te ngāherehere, o te kōmaru rānei.  

Ko ngā whakahoki i te whakangao waro, kōmaru rānei e whakakapi ana i te korenga o te moni tōpū, i te tahua whakatupu hoki mō te Māori, mō te kaipupuri whenua.  E whakapae ana mātou ko te waro me te kōmaru te tuarā me te kapewhiti ki te kōkiri i ngā mahi.